Isinagibo kan Manila Regional Trial Court Branch 12 an pre-trial sa tolong criminal case ni dating Negros Oriental Rep. Arnolfo Teves Jr.
Ini an may kinaaraman sa duwang counts nin paggadan asin sarong bilang nin iligal na pagsasadiri nin mga badil.
Segun kay Atty. Ferdinand Topacio, legal counsel ni Teves, an saiyang kliyente nag-atender sa pre-trial sa paagi nin video teleconference.
Hinagad man kan saindang kampo na ibalik an mga testigo nganing makapagsagibo nin cross-examination.
Sinabi pa ni Topacio na ipigdesignar kan korte an pagdangog kan mga main case ni Teves sagkod sa 2026.
An pagdangog kan ibang mga kaso nakatalaan man sa Agosto 4 ngonian na taon.
Katakod kaini, piglinaw kan mga ini na dae ninda pigpapaluway an trabaho kundi an mawot sana nindang matapos tulos ini.
