Nangapudan an Davao City police sa mga miyembro kan Kingdom of Jesus Christ na dae na magmatagas asin pabayaan na an mga otoridad na matrangkilong maserbihan nin mandamientro de aresto asin mahanap an saindang lider na si Pastor Apollo Quiboloy.
Segun ki Police Regional Office 11 public information office chief Police Major Catherine dela Rey na naglalaom sinda na makikipag kooperar na an mga suportadores ni Quiboloy sa kapulisan.
Paliwanag kan opisyal na pigigibo sana ninda an saindang trabaho basado sa kasuguan kan korte.
Marurumduman na nagin makusog an paninindugan kan mga miyembro kan Kingdom of Jesus Christ na pupugulan ninda an PNP kun liwat ining magsusunad nin mandamientro de aresto kontra ki Quiboloy sa laog kan saindang propreyidades.
Kan nakalihis na Biyernes kaya, naiserbi na kan National Bureau of Investigation an warrant of arrest kontra ki Quiboloy asin iba pang mga akusado sa compound kan Kingdom of Jesus Christ.
Naghanap man an mga otoridad sa underground kan compound na under construction pa, alagad dae kaini nahiling si Quiboloy asin iba pang mga akusado.
