LEGAZPI CITY — Antes pa man magbaba nin direktiba sa Philippine National Police (PNP) na bako na ini an lead agency para sa kampanya laban sa iligal na droga, nasa defensive stand na an Albay Police Provincial Office kun sain dinugangan an internal security operations (ISO) sa mga katugangan sa bulod.
Segun ki Pol. C/Insp. Arthur Gomez, tagapagtaram kan Albay PNP, makaag nagkaag sinda nin magkakanigong seguridad sa kada istasyon kan pulisya siring sa banwaan kan Manito, Pio Duran asin Jovellar ngane na mabantayan nin maray o maging preparado an pulis na magdepensa enkaso may mangyaring insidente.
Tinawang duon kaini na personal security kun sain dae man pig-iengganyar an solong duty kun kaya dapat pirming may ka-buddy. Dapat suboot na pirming bastante an pwersa kan istasyon huli sa kun duwa sana, tibaad laugon o samantalahon kan kalaban.
Pigbabantayan man an mga vital installations na pwedesir isabotahe parehas kan antena kan telecom o mga tulay.
