LEGAZPI CITY—Nangapudan sa gobyerno an grupo nin mga drayber sa Sorsogon na magtao nin fuel subsidies sainda huli sa padagos na paglangkaw kan mga presyo nin krudo sa nasyon.
Segun ki Sorintrafed President Ramon Dealca, sa intrevista kan Bombo Radyo Legazpi, na an paglangkaw sa presyo kan krudo sa sunod na semana panibagong angat sa mga tsuper huli ta bawas na naman suboot ini sa ganansya kan mga drayber.
Dugang kaini na kun padagos pa an paglangkaw sa presyo nin krudo dapat suboot na ayudahan na sana kan gobyerno an mga drayber siring kan pagtao nin fuel subsidy huli ta dawa magkaigwa nin bawas-presyo diit man sana an natatapyas digdi.
Pigtaram ni Dealca na dapat maglaan an gobyerno nin supisienteng pondo sa fuel subsidy sa mga tsuper huli ta dae man kontrolado an pagbaba o paglangkaw kan mga presyo nin krudo.
Tinawan-doon man kan opisyal na kun wara na suboot nin magiginibo an gobyerno sa presyo kan krudo, nagmamawot sinda na mapakarhay an pagdistribuir nin fuel subsidy sa lado kan transportasyon.
