LEGAZPI CITY-Kinakaipuhanan kan mga evacuees sa Brgy. Muladbucad Grande sa Guinobatan Albay an pagkakan mantang nagabot na sa 154 na pamilya o 523 na mga indibidwal an nagtetenir sa evacuation centers.
Segun kay Punong Barangay Henry Racadag, sa intrevista kan Bombo Radyo Legazpi na nadagdagan an saindang mga evacuees huli sa Bagyong Ada.
Nasa 154 na pamilya o 523 na mga indibidwal an presenteng nasa evacuation center sa Muladbucad Elementary School na hale sa ibong kan salog sa nasambitang lugar.
Saro suboot ini sa inisyatiba na halion an mga nakatenir sa printera kun sain pwedisir agihan nin pagbabaha.
Pigiibitaran kaya kaini an pagkusog kan posibleng pagbaha asin lava flow hale sa bulkang Mayon kaya pigebakwar an mga residente na nasa delikadong parte kan barangay.
Dugang pa kan opisyal na pirmi sindang nagtatabang sa mga dapat ipanao sa mga residente orog pang dai sindang mga trabaho huli sa bagyo kasabay pa kan pagalburuto kan Bulkang Mayon.
Mantang limitado an suplay nin tubig alagad may bukal man sinda sa lugar asin may pigagamit na genset mantang warang suplay nin kuryente.
Kahagadan kan Punong Barangay sa mga residente na magsunod sa mga abiso, pirmihang magandam asin mangadyi mantang 24/7 man sindang nakamonitor para sa saindang barangay.
