LEGAZPI CITY- Nagpapadagos pa an enrollment sa Bicol Region maski na nagpuon na an klase kasuudma, July 29.
Kun babalikan, pormal ng binukasan an school year 2024-2025 kasuudma sa bilog na nasyon kan Department of Education.
Segun kay Mayflor Jumamil, an Spokesperson kan DepEd Bicol sa naging intrevista kan Bombo radyo legazpi basado sa saindang quick count nasa 1, 219, 173 na an mga nagpa enroll sa Bicol.
Mientrastanto, kan nakalihis man na taon igwang 1,733, 251 total enrollees asin ngunian man na sy 2024-2025 target kan ahensiya an 1,758, 628 emrollees o may dugang na 23, 377 learners o 1.46% na pinaglalaoman na paglangkaw ngunian na taon.
Segun pa sa opisyal na 100% na kan mga eskwelahan sa Bicol an nakapag puon na kan klase kasuudma.
Pangapudan man kaini sa mga magurang na ipaenroll na an saindang mga aki ngane na makasabay pa sinda sa learning recovery plan na 8 week curriculum kun saen enot na pig implementar sa rehiyon.
Meintrastanto, dakula man an naging kaogmahan kan DepEd bicol huli sa narerekognisar naman sa ibang parte kan nasyon an saindang piggigibo na 8 week curriculum na iyo an naging kasimbagan sa naging learning gap puon kan nagkaigwa nin pandemya.
