LEGAZPI CITY-Nakaantabay an nagkapirang personahes kan Albay Public Safety and Emergency Management Office (APSEMO) sa pagbantay kan gabat kan trapiko sa Legazpi Catholic Cemetery bilang obserbasyon sa Undas.
Segun ki kan Albay Public Safety and Emergency Management Office Enforcer Arnel Aydalla, sa intrevista kan Bombo Radyo Legazpi nakabantay sinda sa lugar ngani magin maayos an dalagan kan trapiko katuwang an ibang ahensya siring kan Philippine National Police (PNP), Bureau of Fire Protection (BFP), Philippine Red Cross asin iba pa.
Nagkakasararo man suboot sinda ngani magtao nin asistensya sa bilog na rehiyon partkularmente na sa mga lugar sa Albay.
Dugang pa kan opisyal na nagtatao man sinda nin violation sa mga dai nagsusunod sa mga traffic signs.
Sinabi pa kan opisyal na nakahanda sinda 24 oras hasta saaga kun laoman na maruso pa an kadakol na tawo siring man an pagdagdag ninda nin mga personahes ngani magbantay digdi.
Sa presente, piglalaoman man suboot na madakol pa an mga indibidwal na mabista sa nasabing sementeryo.
Mientrastanto, wara man nin nanotarang nanotarang insidente sa lugar asin para sa mga motorista an pig-eedukar man suboot ninda ngani madagdagan an saindang kaaraman mapadapit sa batas trapiko.
Pagirumdom kan opisyal na bago maghale sa mga harong, an mantinidong isarado an mga pinto asin magdara sana nin mga importanteng bagay sa laog kan kamposanto.
