Kinumpirmar ni Senate President Sherwin Gatchalian na pwedesir nang ma-access kan publiko an gabos na mga dokumento katakod kan impeachment trial ni Vice President Sara Duterte sa website kan Senado.
Sarong impeachment tab an idinugang sa website kan Senado, na igwang apat na section, kaibanan an prosekusyon, depensa, court issuances asin journal, kun sain isinumetir an mga rekord, manifestation asin mga dokumento sa kasagsagan kan paglilitis na in-upload man kan Senate Secretariat, na nagseserbing impeachment clerk of court.
Segun sa Senate President, sisiertuhon ninda na gabos na mga dokumento asin ebidensya an nahihiling kan publiko huli ta naka upload na an mga ini sa nasabing website.
Inenganyar man ni Senate President Gatchalian an mga Pilipino na pag-adalan mismo an impeachment records.
Aminado man an liderato kan Senado na alagad sinda an nagseserbing senator-judges, an huring hukom kan impeachment proceeding iyo an mga namamanwaang Pilipino.
