LEGAZPI CITY- Padagos an paglalatag nin mga programa kan manlain lain na ahensya sa ciudad kan Legazpi ngani na matabangan an mga namamanwaan.
Sa presente, nagin benepisyaryo kan programa kan mga differently abled sa ciudad.
Segun ki Legazpi City veterinary office head Dr. Emmanuel Estipona sa panayam ng Bombo Radyo Legazpi na ipigsairarom sa livelihood training program an nasabing mga persona ngani na magkaigwa nin economic growth an mga ini.
Napag-araman kaya basado sa datos na nasa 8,000 an mga differently abled persons sa bilog na ciudad kan Legazpi.
Kaibanan sa mga mahiling na potensyal na kabuhayan sa mga benepisyaryo kan programa an rog making huli sa baratong kapital asin halangkaw na return of investment.
Afuera digdi pigtututukan man an potensyal sa balut making, itlog maalat making, paggibo nin dishwashing liquid asin iba pa.
Sinabi ni Estipona na napapanahon na ngani na ma-utelize an social responsibility kan lambang namamanwaan para sa pag-uswag kan saindang estado sa buhay.
Marurumduman na sa irarom man kan Legazpi City veterinary office, enot ng natabangan an nagkapirang mga paraoma na natawan nin organic chicken asin peking duck.
