LEGAZPI CITY- Pinaglalaoman na maabot na sa Albay sa masunod na mga semana an nagkapirang delegado para sa Private Schools Athletic Association 2024.
Marurumduman na an ciudad kan Legazpi an magigin host kan nasabing sporting event ngunyan na Hulyo.
Segun ki Legazpi Schools Division Sports Officer Francisco Dexter Sison sa intrevista kan Bombo Radyo Legazpi na nasa 17 na mga rehiyon an mapartisipar sa nasabing sporting event.
Kumpwesto ini nin nasa 400 na mga eskwelahan hali sa bilog na nacion o nasa 10,000 na mga delegado.
Pighayag kan opisyal na pinaglalaoman na sa maabot na sa Hulyo 18 an nagkapirang mga delegado hali sa Mindanao para sa kamawotan na familiarization sa mga playing venues.
Kaibanan kan ciudad kan Legazpi an banwaan kan Sto. Domingo na magigin playing venue kan nagkapirang mga kawat.
Dugang pa ni Sison na nasa 15 na eskwelahan sa Legazpi City an gagamiton bilang billeting center mantang duwang eskwelahan man sa banwaan kan Daraga an magsiserbing billeting center.
