LEGAZPI CITY-Uminabot na sa 4 katawo an mga binawian nin buhay makalihis an nangyaring insidente nin pambabadil sa laog kan San Jose Natonal High School sa Tacloban City.
Dai na nakayanan kan pinakahuring biktimang estudyante an sinapar kaining lugar mantang pigbubulong sa sarong ospital.
Kinumpirma ini kan Philippine Red Cross (PRC) an pagkagdan kan ika-apat na biktima sa oras na alas 7 nin bangi kan Lunes, Hunyo 22.
Mientras tanto nasa 15 estudyante an nairido sa eskwelahan asin presenteng nagpaparahay na sa ospital.
Marurumduman na naarestar na kan mga otoridad an duwang suspek sa pambabadil kun sain an ginamit na 38 caliber na badil, napag-aramang kad-sadiri kan sarong babaying puli, mantang an nakarehistro sa sarong security agency.
Kinondena man kan Police Regional Office-8 an nangyaring pambabadil asin bilang pag-iingat, nagdeploy man nin dugang na mga pulis sa lugar ngani na mamantenir an kaayusan asin seguridad sa komunidad.
Nag-suspendir man nini klase sa nabanggit na eskwelahan kasunod nangyaring pambabadil.
