LEGAZPI CITY-Pinaglalaoman kan sarong grupo nin transportasyon na makadagdag nin P200-P300 an pagbaba kan presyo sa produktong petrolyo alagad bako pa suboot ini bastante sa ngonian.
Segun kay Piston President Mody Mody Floranda, sa intrevista kan Bombo Radyo Legazpi na sa hiling ninda makakatabang an pagbaba kan presyo asin makaka-dagdag sa ganansya kan mga driver alagad bako pa ini bastante asin harayo pa sa dapat na maibaba na presyo kan diesel asin gasolina.
Dating nasa P55 kada litro an presyo kan Diesel asin P57 naman an presyo kada litro kan gasolina.
Sinabi ni Floranda na sa ngonian, nagkakawat man giraray sa P78-P79 an presyo kada litro sa NCR asin mas halangkaw pa sa ibang mga rehiyon.
Nagkapira man suboot na lugar an nagtetenir sa P80-P87 an presyo kada litro kan diesel asin gasolina.
Tinawan doon man niya na dakula pa an posibilidad na sa sunod na semana, maiba liwat an presyo orog pang haros kada semana pabago-bago an presyo kan produktong petrolyo.
Pigkakahadit man ninda an anunsyo kan Department of Energy (DOE) na dai pa sa 100 porsyento an rollback asin magkakaigwa pa nin paghiro sa presyo sa masunod pang mga semana.
Pighihiling man ninda na dai naka-pattern sa pagbukas kan Strait of Hormuz an presyo huli ta kadakol suboot na posibleng pagkuwaan nin suplay a dai nagaagi digdi.
Naenot na man suboot na sinabi kan DOE na igwang suplay na haros milyong bariles sa luwas kan Strait of Hormuz na dai pa pigkukua kan gobierno.
Suhestyon kan opisyal na dapat makua na ini asin maipabakal sa mas hababang presyo ngani dai na madipisilan pa an mga namamanwaan
