Legazpi City– Ipigsairarom kan Albay Veterinary Office (AVO) an nagkapirang mga Barangay Official asin Tanod sa training para sa implementasyon kan Anti Rabies Program.
Segun ki Albay veterinarian Dr. Pancho Mella sa intrevista kan Bombo Radyo Legazpi na pigsagibo an nasambitang training nganing an mga opisyal kan barangay an magigin vaccinators ninda para sa nasambitang program i-implementar sa masunod na taon.
Pigtaram pa kaini na pigtukar sa training an manungod sa animal behavior, effective approaches sa pagkapot sa mga hayop partikular na an mga ayam asin ikos, proper use of restraining equipment, vaccine administration techniques, cold chain management, asin mga uri nin mga kaganapan sa pagbabakuna.
Pigtukar pa sa mga opisyal an pagpreparar, pamamaraan, asin tamang pag-dispose kan mga hiringgilya.
Segun pa kay Mella na bako madali an pagbakuna asin dapat maturuan an mga ini kan tamang paagi nganing dae ini mabalikan kun enkaso ano man an mangyaring maraot habang nagbabakuna an mga ini.
Pigsabi pa kaini na obligado an enterong barangay sa probinsya na mag implementar kan anti rabies vaccination nin huli sa paagi kan nasambitang training, sinda an mabakuna kan mga ayam sa mga kaharungan kan saindang nasasakupan.
Dugang pa kaini na mantinidong nasa under supervison man gilayun an mga vaccinator kan mga lisensyadong City Veterinarian asin masagabo nin scheduling para sa pag monitor.
Pigsyerto man kaini na magigin bakunado sa anti-rabies an mga vaccinator na masagibo nin pagbakuna sa mga ayam nganing masyerto an saindang kaligtasan sa pagbabakuna.
Pigtawan doon pa ni Mella na pig-gigibo ninda ini nin huli ta dakulon suboot an nagin kaso kan rabies sa probinsya asin kaipuhan na pagpreparan an implementasyon sa masunod na taon nganing maibitaran asin mapababa an mga naunambitang kaso.
