LEGAZPI CITY— Tinapos na kan sarong 17-anyos na lalaki an saiyang buhay sa paagi kan pag-gakod nin lubid sa saiyang liog asin pagbitay sa laog kan saindang harong.
Nangyari an insidenteng ini sa Barangay Cumadcad, banwaan kan Castilla Sorsogon kun sain an biktima binistong si Anthony Caneta.
Enot kaini, nakaresibe nin impormasyon an Castilla Municipal Police dapit sa suboot nadukayang gadan sa nasambitan na lugar.
Sa pagresponde kan saindang mga tauhan, nakumpirmar na bangkay ini kan nasambitan na biktima na pinagtutubudang naghugot.
Nagkundusir nin imbestigasyon an pulisya kun sain nagluwas na naimbwelto sa sarong aksidente sa tinampo si Caneta asin natakot na baad madagit an saiyang ama kun maaraman ini.
Saro kayang suicide letter an winalat kan joven na nagsasabi kun ano an rason kan saiyang paghugot.
Nagsayuma na an pamilya kan biktima na ipa-proseso pa sa Scene of the Crime Operatives (SOCO) an pinangyarihan kan insidente huli ta nagtutubod suboot sinda na dae nin foul play sa pagkagadan kan saindang aki.
