Ipigsugo kan Pre-Trial Chamber kan International Criminal Court (ICC) an medical examination ki dating Presidente Rodrigo Duterte.
Ini nganing maaraman an saiyang kakayahan na magpartisipar sa pre-trial proceeding kaiba na an confirmation of charges.
An nasabing desisyon an kasunod kan serye nin pagsunad asin deliberasyon sa irarom kan Pre-Trial Chamber I asin an pagtatalaga kan tulong medical experts ni Duterte.
Sinda man an nagsugo sa Registry na magsagibo nin medical examination asin magtao nin kumpletong records kan dating Presidente sa panel kan tulong independent medical experts.
An mga medical panel an kompwesto nin forensic psychiatrist, neuropsychologist asin geriatric and behavioral neurologist.
Piglalaoman na maitatao an mga ini nin rekomendasyon sa anumang espesyal na paagi na kaipuhan nganing masierto na igwang pantay asin tamang hearing sa kaso kan dating presidente.
Itinakda an pagsunad nin record sa Registry bago an Oktubre 31.
Magigiromdomang ipig-octaba an confirmation of charges hearing kan Setyembre 23 huli sa kahagadan kan defense team.
