LEGAZPI CITY — Piglalaoman ni Legazpi City Mayor Noel Rosal an “full booking” sa mga resort, hotel
asin mga tourist spots sa syudad sa maabot na Myerkules asin Huwebes Santo.
Katakod kaini, ipighayag kan alkalde sa Bombo Radyo Legazpi na naimplementar na an Oplan Semana Santa na obhetong masierto an paz y orden asin seguridad kan mga marusong turista asin iba pang bisita sa saiyang pinamamayuhan na lugar.
Apwera digdi, para sa padagos na pag-taguyod kan administrasyon ni Rosal sa turismo kan Legazpi, ma-byahe suboot an opisyal pasiring sa Manila ngani na mag-konsulta dapit sa saiyang propuestong paglunsar nin economic zone kun sain magsasagibo nin nagkapirang programa ngani na mapagayon an mga napiling barangay arog kan Lamba.
Iningganyar man kan Regional Peace and Order Council chair an publiko na maghorop-horop ngunyan na panahon kan Kuwaresma.
Kun babalikan, inanusyar ni Rosal sa University of the Philippines National Engineering Council (UP-NEC) training na isinagibo sa syudad an saiyang planong pag-konstruhir nin tourism-related infrasctructures sa kakasarado pa sanang dump site.
