LEGAZPI CITY- Wara suboot na dapat na ipaghadit an kampo ni incumbent Daraga Mayor Carlwyn Baldo sa paghampang sa mga kasong ipigsunad kontra digdi, segun sa matuang aki kan ginadan na si Ako Bicol Representative Rodel Batocabe.
Segun ki Atty. Justin Batocabe, matatawanan nin fair trial an alkalde kasabay kan pagrespeto sa proseso kan kaso.
Tiwala ining makusog an mga ebidensyang ilalatag puon sa documentary asin object evidence alagad igwang nagkapirang apprehension suboot sa nagkapirang ‘delaying tactics’ asin teknikalidad kan kaso.
Nasa preliminary investigation naman suboot kaito pang Lunes an kasong Double Murder asin Multiple Frustrated Homicide kontra sa alkalde alagad natawanan nin piskalya nin 20 aldaw na extension period.
Apelar pa kan abogado sa kampo ni Baldo na dae nang i-delay an proseso asin simbagon na sana an mga reklamo sa korte.
Mientras tanto, ibinida man ni Batocabe an saindang legal team na compuesto ninda UP College of Law Professor on Criminal Procedure Arno Sanidad, protege ni dating Solicitor General Frank Chavez na si Atty. Homobono Miranda asin magsisirbing tagapagtaram an columnist na si Joel Butuyan.
