LEGAZPI CITY- Niyugo nin Magnitude 4.0 na na linog an nagkapirang parte kan Masbate bandang alas-6:45 ngonian na aga.
Susog sa data kan Philippine Institute of Volcanology and Seismology (PHIVOLCS), nahiling an sentro kaini sa distansyang walong kilometro sa sur-sirangang parte kan banwaan kan Pio V. Corpus sa island province.
May rarom ining 30 kilometro asin tectonic in origin.
Namatian man kan mga instrumento an Intensity 1 sa Masbate City asin Legazpi City.
Mientras tanto, dae man piglalaoman an mga kasunod na aftershocks mantang wara man na naireport na danyos an nasabing pagyugo.
