Nagsasagibo nin pagsusuri an Department of Agriculture (DA) nganing ibaba giraray an maximum suggested retail price (MSRP) kan imported na bigas.
Ini an kasunod kan padagos na pagbaba kan presyo kaini sa world market.
Segun sa DA, buminaba sa $434 per metric tons an presyo kan 5% broken variety gikan sa Vietnam kan Enero 10, hale sa dating $510 kan Disyembre.
Siring man, buminaba man an presyo kan bagas na gikan sa Thailand asin India, na piglalaomang magpapadagos hasta sa katapusan kan Enero.
Huli digdi, pig-aadalan kan ahensya an posibilidad na ibaba pa sa P45 kada kilo an MSRP kan imported na bagas.
Magigirumdumang itinakda kan DA sa P58 kada kilo an MSRP kan imported na bagas sa Metro Manila poon kan Enero 20.
