Nagsayumang magkomento Si Senador Rodante Marcoleta sa mga orolay na siya an running mate ni Vice President Sara Duterte sa 2028 elections.
Segun sa Senador, busy siya ngunyan sa ibang mga bagay.
Nakatutok suboot an Senador sa pagtanos kan gabos na sala.
Kabali sa mga puntong itinao ni Marcoleta iyo an mga iriwal sa nagkapirang prominenteng public figures, kabali sinda retired Supeme Court justice Antonio Carpio, Senador Panfilo Lacson, Philippine Coast Gaurd spokesperson for the West Philippine Commodore Jay Tarriela, maritime law expert Jay Batongbacal asin si dating Senador Francis Tolentino pag-abot sa isyu kan WPS, na mawot niyang ma-aksyunan antes hampangon an mga plano sa pulitika.
Magigirumduman na dati nang pig-anunsyo ni VP Sara kan Miyerkules, Pebrero 18, an saiyang pagdalagan bilang presidente sa eleksyon 2028, kun saen naglutang man bilang mga potensyal na running mates si Senador Robin Padilla asin si Sen. Imee Marcos.
