Bulos sa ngunyan an pagpapaabot nin pakikidumamay asin pakikisimpatiya sa pagkagadan kan saro sa mga ipigkokonsiderar na survivors sa Marawi siege kan taong 2017.
Kinumpirma kan tugang kan padi na si Boyet Suganob an pagkagadan ni Fr. Teresito “Chito” Suganob sa paagi nin social media post.
Dai naman nagluwas nin iba pang detalye si Boyet.
Hagad man kan pamilya an privacy sa pagkagadan kan nasabing padi.
Magigirumduman na kaibanan si Suganob sa mga pig-hostage kan ISIL-linked Maute asin Abu Sayyaf sa ciudad kan Mayo 23, 2017.
Nagsirbi ini bilang padi sa Prelature of Marawi, asin nagin Vicar General of Marawi, bilang kanang-kamay ni Marawi Bishop Edwin dela Peña. (with report from Bombo Radyo Koronadal)
