LEGAZPI CITY-Padagos na binabantayan an bagyong criisng mantang naghihiro sa laog kan Philippine Area of Responsibility.
Mantang nasa katibiagn pa ini kan nacion, asahan na lalo pa kaini na papakusogon an southwest moonson o habagat na magdadara nin mga paguuran sa dakulang parte kan Luzon asin Visayas magin sa ibang parte kan Mindanao.
Sa presenteng track o hiro kan bagyo, piglalaoman na aagihan kaini o pwedisir na magland-fall sa mainland kan Cagayan saagang banggi o Sabado nin pagkaaga.
Pwedisir man suboot magkusog ini hasta Severe Tropical Storm atyan na hapono banggi.
Asahan man na makakaluwas an bagyong crising sa nacion pagabot kan alas 2 nin pagkaaga.
Huring nahiling an sentro kan bagyo sa rayong 470 km East Northeast kan Virac, Catanduanes.
Dara kaini an kusog ki paros na nagaabot sa 55 kilometers per hour (kph) sa tahaw asin igwang pagbugso na nagaabot sa 70 kilometers per hour (kph).
Naghihiro an bagyo pasiring sa North Northwestward sa rikas na 25 kilometers per hour (kph).
Nakataas man giraray an Tropical Cyclone Wind Signal Number 1 sa Southern portion kan Batanes, Cagayan kairiba na an Babuyan Islands, Isabela, Quirino, northeastern portion kan Nueva Vizcaya, northern portion kan Aurora, Apayao, Abra, Kalinga, Mountain Province, Ifugao, Ilocos Norte, northern portion kan Ilocos Sur asin northern and eastern portions kan Catanduanes.
Asahan man an mga serye nin paguuran sa dakulang parte kan nacion dara kan bagyong crising.
Pinag-iiingat man an gabos sa posibleng pagbaha asin pagguho kan mga daga sa mga bulnerableng lugar.
