Gadan an sarong 40-anyos na lalaki mantang nangangaso ini sa kabuludan kan tri-boundary kan Ilocos Norte, Ilocos Sur, asin Abra, makalihis na badilon kan kaibahan na enot na nagsabi na naghuna na saro ining baboy damo.
Alagad segun sa imbestigasyon kan pulis posibleng bakon aksidente an pambabadil.
Basado sa imbestigasyon kan Cabugao, Ilocos Sur Police Station, nagluluwas na nagkaigwa nin mainit na diskusyon an duwa huli sa pagbaranga kan saindang nadakop na orig bago mangyari an insidente.
Segun ki Police Captain Elison Pasamonte, sinabi man kan sarong testigo na talagang binadil kan suspetsado an victima, asin bako ini huli sa sala arog kan enot na sinabi.
Nangapudan nin hustisya an pamilya kan biktima urog na dae tulos isinuko kan suspetsado an ginamit na badil na orog pang nagpararom kan saindang suspetsa.
Yaon ngonian sa kostudiya kan mga otoridad an suspek mantang nagpapadagos an imbestigasyon sa kaso.
