LEGAZPI CITY—-Puminakol sa labi P20.7 milyones an nairehistrong danyos sa sektor nin agrikultura asin pagsisira makalihis an pangrarapado kan bagyong Uwan sa banwaan kan Malilipot, Albay.
Segun ki Malilipot Mayor Cenon Volante, sa intrevista kan Bombo Radyo Legazpi, kabale sa nairehistrong danyos an sa bagas, abaca, agricultural crops, fishpond, magin an livestocks sa saindang banwaan.
Dugang kan opisyal na kinakaipuhan ninda an suporta nganing liwat na makabuhat partikularmente na sa nasabing mga sektor.
Mientrastanto, nakapagdistribuir na man an saindang lokal na gobierno nin mga relief goods sa mga residentes kan kada barangay.
Nakikiolay man an alkalde sa Albay Electric Cooperative, Inc. (ALECO) na kun pwedesir na enot na maibalik an kuryente sa saindang munisipyo huli sa nade-delay suboot an saindang mga transaksyon sa opisina.
