Kinumpirmar kan Department of Justice (DOJ) na dae nakikipagtabangan an gobyerno kan Malaysia sa ipigsasagibong imbestigasyon kan Pilipinas mapadapit sa pagtakas sa bansa ni Bamban, Tarlac Mayor Alice Guo.
Pigtaram ni DOJ Secretary Jesus Crispin Remulla, na posibleng abo pag-olayan kan Malaysia an haloy nang territorial dispute sa duwang nacion mapadapit sa Sabah.
Maski suboot anong hapot kan DOJ an dae nagtatao nin detalye an Malaysian government kun pano naka-abot sa sainda si Guo.
Magin an flight records asin detalye kan eroplanong sinakayan kaini nganing tumakas asin maka-abot sa Malaysia an dae nagtatao an gobyerno kan Malaysia.
Magigirumdumang nagsagibo nin imbestigasyon an Senado mapadapit sa pagtakas ni Guo sa nacion kun saen pigtuga kan Bureau of Immigration na naggamit nin backdoor an dating alkalde sa paagi kan pag-agi sa Tawi-Tawi pasiring sa Sabah.
Si Guo o mas bisto bilang si Guo Hua Ping an inarestar sa Indonesia kan Setyembre kan nakalihis na taon makalihis na mahampang sa pirang kaso huli sa operasyon kaini sa iligal na POGO operations.
 confirmed that the Malaysian government is not cooperating with the Philippines' ongoing investigation into the escape of Bamban, Tarlac Mayor Alice Guo.){kind=link}