LEGAZPI CITY-Pinahimutikan kan Malacañang na pig-downplay kan gobierno an presenteng sitwasyon kasubod kan paglangkaw kan presyo kan produktong petrolyo.
Segun kay Palace Press Officer Usec. Claire Castro, malinaw na warang krisis sa suplay sa petrolyo sa nacion, kundi an naeeksperyensyahan na ini, iyo an price disruption na kawsa kan labanan sa Middle East.
Tinawan-duon ni Castro na pigigibo kan gobierno an gabos ngani na warang kakulangan sa suplay sa gasolina asin pagkakan.
Sinabi ni Castro na nakabantay an mga ahensya kan gobierno arog kan DOE, DA, asin DSWD ngani magtao nin asistensya asin masierto na dai mamatian kan taumbayan an kakulangan.
Sa ibong kaini, aminado man si Castro na dae malilikayan na maapektaran kan krisis sa Middle East an Pilipinas kun kaya nangangapudan siya nin kooperasyon asin pagtipid kun kinakaipuhan.
Sa ngonian, nagpupursige suboot an DOE, sa pamamayo ni Energy Secretary Sharon Garin, ngani dai magkulang sa supply nin langis an nacion.
Ipinahayag ni Castro na nakikipagnegosyasyon na an ahensya para sa 440,000 na bariles nin gasolina asin igwa man nin 600,000 na bariles nin langis na pwesidir maangkat kan nacion.
