LEGAZPI CITY — Maabot sa provincia kan Albay si Presidential Spokesperson Atty. Harry Roque para sa regular na semanahang Malacanang Press Briefing na gigibuhon ngonian na aldaw.
Katakod ini kan obheto ni Pres. Rodrigo Duterte na aramon an aktwal na sitwasyon kan mga residente na apektado kan aktibidad kan Bulkang Mayon.
Pangengenotan ni Roque an briefing sa Sangguniang Panlalawigan Session Hall sa Capitol Building sa Legazpi City ngonian na aga na aatendiran man kan iba pang national government officials.
Ipapaaram man ki Roque an mga naginibuhang lakdang kan mga lokal na gobierno kan Albay asin Provincial Disaster Risk Reduction Management Council ngani mapagian an sitwasyon kan mga apektadong pamilya.
