LEGAZPI CITY—Nairehistro an mahibog na abo huli sa panibagong pagputok kan Bulkang Bulusan pasado alas-7:45 nin banggi, Martes, ika-29 kan taong 2025 kun saen apektado an nagkapirang banwaan siring kan Irosin asin Juban, Sorsogon.
Segun ki Barangay Cogon, Irosin Kap. Ricmar Paluyo, sa intrevista kan Bombo Radyo Legazpi, na makusog an ipigbuga na abo durante kan pagputok kan bulkan.
Dugang ni Paluyo, mas mahibog an abo na ipigbuga kan bulkan sa parte kan saindang lugar kumpara kan nakaaging pagputok kaini kan Lunes, Abril 28.
Huli man sa kalmado an paros kun kaya nasapar kan saindang lugar an matinding abo.
Sa presente, nakaebakwar na an mga residentes kan nasambitang barangay sa INACT, San Pedro.
