Niyugo nin magnitude 5.8 na linog an kadagatan kan Davao Occidental ngunyan na maagahon nin Domingo.
Susog sa Philippine Institute of Volcanology and Seismology (Phivolcs), nangyari an pagyugo pasado alas-1:22 nnin maagahon kan Pebrero 15, 2026.
Natukoy an epicenter kaini labi sa 231 kilometro timog-sirangan kan banwaan kan Jose Abad Santos.
Sinabi kan Phivolcs na tectonic an pinuonan kan linog asin may rarom na 10 kilometro sa irarom kan seabed, rason nganing mamatean ini sa nagkapirang harani na lugar.
Mantang amay kakusogan, piglalaoman kan ahensya na wara ining ikakawsa nin dakulang destroso huli sa nasa harayong parte ini kan kadagatan.
Siring man, nagpatanid an Phivolcs na posibleng magkaigwa nin mga aftershock kaya pig-abisuhan an publiko na magtinir na alerto asin magsunod sa mga pigpapaotob na safety protocol.
