Parehong gadan an mag live-in partner makalihis magsaksakan sa Purok Eucalyptus, Barangay Tabugon, Kabankalan City, Negros Occidental.
Binisto an mga nagadan na sinda Marilie Satinyamian, 26 anyos, asin Fernan Pacunla, nasa 30 anyos asin parehong naka-istar sa harong kun saen nangyari an insidente.
Sa intrevista kan Bombo Radyo Bacolod kay Police Lt. Roberto Indiape, hepe kan Kabankalan City Police Station, sinabi kaini na bago an saksakan an nagkaigwa nin pagpapasuway an duwa huli ta abo kan lalaki na bumalik an babae sa Bacolod City.
An babae an nagtatrabaho bilang domestic helper sa Bacolod City, mantang an lalaki an laborer sa Kabankalan City.
Dae man maaraman kun siisay an enot na nanaksak sa duwa, alagad may posibilidad na sabay sinda nagsaksakan.
Naenot na nagadan an babae huli sa mga kadakol na sinaksakan sa hawak, mantang an lalaki an isinugod sa District Hospital kan ciudad.
Siring man, isinugod siya sa sarong ospital sa Bacolod City, alagad saen siya nagadan mantang nagba-byahe.
Case closed na an kaso huli ta parehong nagadan an mga imbwelto.
Warang nakahiling sa nasabing krimen huli ta wara sindang kaibang iba sa harong kan mangyari an insidente.
