Gadan an sarong mag-agom sa pananaksak kan saindang manugang na lalaki sa Sitio Ilawod, Brgy. Aguilar, San Lorenzo, Guimaras.
Binisto an mga biktima na sinda Estilita Casamayor asin Jose Casamayor.
Binisto man an suspek na si Reymund Coquingan, 39 anyos, residente kan Montpiller, Buenavista, Guimaras.
Sa imbestigasyon kan mga awtoridad, yaon sa tindahan an mag-agom na parehong senior citizens kan mag-abot an suspetsado lunad nin motorsiklo asin suboot burat.
Pigsuriyawan suboot kan suspetsado an mga biktima na sasaksakon niya sinda sagkod na magkaigwa nin komosyon.
Digdi na sinaksak kan suspechado an mga biktima.
Tulos man na idinalagan an mag-agom sa ospital alagad idineklarang dead on arrival.
Nagluluwas sa imbestigasyon na an posibleng rason kan krimen iyo an pagkontra kan mag-agom sa bagong relasyon kan suspetsado sa harong kan nagadan nindang aki na enot man na agom kan suspetsado.
Dinakop an suspek asin ikinulong sa San Lorenzo Municipal Police Station.
