LEGAZPI CITY — Nag-alocar nin maabot sa P20 million an Department of Environment and Natural Resources – Environmental Management Bureau (DENR-EMB) para sa labi 40 lokal na gobierno sa Bicol para sa ecological solid waste management programs.
Sakop kan pondo an pagconstruir nin material recovery facilities asin pagbakal nin mga ekipahe siring kan shredders, organic composter asin baler machine, kaibanan an iba pang kinakaipuhang pasilidad.
Makakaresibe an mga munisipalidad nin tig-P475,000 na financial assistance sa pag-implementar kan proyekto na imomonitor kan ahensya.
Kaibanan sa mga benelficiario kaini an Camalig, Jovellar, Rapu-Rapu asin Tiwi sa Albay; Capalonga, Labo, Paracale, San Lorenzo Ruiz, San Vicente, Santa Elena, asin Vinzons sa Camarines Norte; Baao, Balatan, Bato, Bula, Camaliga, Canaman, Caramoan, Del Gallega, Gainza, Garchitorena, Goa, Lagonoy, Lupi, Nabua, Pamplona, San Fernando asin Siruma sa Camarines Sur; Bagamanoc, Baras, Bato, Caramoran, Gigmoto, Panganiban, San Miguel, Viga, asin Virac sa Catanduanes; Baleno, Cawayan, Monreal, Palanas asin San Jacinto sa Masbate.
Mayor na obheto kaini an mabawasan an basura urog na bako gabos an maikakaag sa disposal facilities.
