Gadan an maabot sa 100 na katawo sa inilunsar na airstrike kan Israel sa sarong eskwelahan sa Gaza .
Segun sa Gaza Civil Emergency Service, nagpapangadyi an mga refugee sa laog kan Gaza City school kan bigla ining pasabogon kan fighter jets kan Israel.
Tulos na binawian nin buhay an mga biktima kaiba na an 11 kaakian asin anom na mga kababaihan.
Mahigot na kinondena kan Palestine an insidente lalo pang kadaklan suboot kan mga biktima an sibilyan na nagpasiring sa eskwelahan sa paglaom nin salbadong madadagosan.
Inako man kan Israel Defense Forces na naglunsar sinda nin pag-atake sa lugar target subot an mga miyembro kan Hamas na nagkakampo sa eskwelahan.
Alagad dae diyan natatapos an pag-atake kan Israel huli ta sunod-sunod man kaining binomba an Al-Nuseirat, Deir Al-Balah asin Rafah na ikinagadan pa nin pitong katawo.
