LEGAZPI CITY- Padagos na pinag-oolayan ngunyan an kahagadan kan mga operators na maitaas sa P15 an minimum na pamasahe sa mga pampublikong jeep sa nacion.
Marurumruman na mawot ining ipaotob sa bilog na nacion.
Segun ki Land Transportation Franchising and Regulatory Board Bicol Director Joel Rempillo Defeo sa intrevista kan Bombo Radyo Legazpi na central office an naglalatag kan mga pag-aadal asin mga pag-oolay para sa nasabing lakdang.
Paliwanag kan opisyal na pigdadangog kan ahensya an lado kan mga commuters asin mga operators ngani na parehong lado an matawan nin atensyon.
Nangapudan man an ahensya sa mga commuters na masabutan an sitwasyon huli ta naglangkaw man an maintenance kan mga units nin jeep kasabay pa kan paglangkaw kan produktong petrolyo.
Napag-araman kaya sa ngunyan na nasa 99% na an modernisasyon sa mga unit nin jeep sa nacion.
