LEGAZPI CITY-Iimbestigaran na ngonian kan Office of the Ombudsman an nagkapirang mga imbuelto sa isyu kan korapsyon sa flood control projects.
Segun kay Ombudsman Jesus Crispin ‘Boying’ Remulla, kairiba man sa maiimbestigaran pati mga ‘losing bidders’ o an mga kontratistang dasi nakakuwa asin nadaog sa bidding kan mga proyekto.
Kasunod suboot ini kan makaolay an nagkapirang mga opisyal kan Philippine Competition Commission sa naresibe kaining impormasyon na kairiba magin an ‘losing bidders’ sa nakinabang o imbuelto sa anomalya.
Ipigheras man ni Ombudsman Remulla na igwang natukoy na indibidwal an komisyon kun sain namumuhay o pirmihan suboot ining parte sa mga losing bidders.
Paliwanag man ni Remulla na kun papano nakinabang an mga losing bidders sa kada proyekto kan gobierno para sa flood control.
Kun sain 3% suboot hale sa kabilugang project cost an porsyento kan mga ini o nareresibe na siyang nagin kultura na suboot sa Department of Public Works and Highways.
Pigpunto kan pa niya na kun an proyekto nagkakantidad nin P100-milyon piso, 3% hale digdi o 3-milyon piso an magigin parte suboot asin an matatanggap kan losing bidders.
Pigsiwalat man niya na an largess hale sa pondo kan proyekto an bako sana pakikinabangan kan mga opisyal kundi nagaabot suboot hasta pati sa janitor kan kagawaran.
Mensahe niya man na kun sisay man an parte kan ‘losing bidders’ an posibleng magrani sana sa tanggapan katakod kan nagpapadagos na imbestigasyon sa flood control projects.
Bukas man suboot an tanggapan para sa sainda kun makakapagsiwalat nin bilog na kaaraman asin ituturo pati an mga kairiba pang imbeulto digdi.
