LEGAZPI CITY-Bigo an Los Angeles Lakers na ma-sweep an Houston Rockets, rason ngani mag-abot sa Game 5 an matchup kan duwang koponan sa pagpadagos sa 2026 NBA Playoffs.
Tinambakan kan Rockets an Lakers sa Game 4, sa pangenot kan bagitong guard na si Amen Thompson na kumamada nin 23 points asin pitong assists.
Pare-parehong nakagibo nin double-digit scores an limang starter kan Houston asin sa pagtatapos kan 3rd quarter, kun sain bitbit na kan koponan an 25 points na kalamangan, sa 90 kontra 65.
An NBA superstar na si Lebron James nakakua sana nin sampulong puntos sa laog nin 33 minutos kan kawat. Sa 9 shots na saiyang pinakawalan, duwa sana an nakapuntos.
Tinapos kan Houston an laban sa score na 115-96, kun sain kapot ninda an 48 overall shooting percentage.
Mientras tanto, dai nakapagkawat an Rockets center na si Kevin Durant asin Lakers guard na si Luka Doncic huli sa minor injury.
Mabalik sa Los Angeles an laban para sa Game 5, kun sain laoman an do-or-die game.
