LEGAZPI CITY- Ipigbubusol ngunyan ni Catanduanes Governor Patrick Azanza an localization kan hiring nin mga kapulisan sa provincia.
Ini an kasunod kan personal na pagbisita ni Police Regional Office Bicol Director Brig. General Nestor Babagay sa island province.
Sa intrevista kan Bombo Radyo Legazpi sa gobernador, sinabi kaini na mawot nidang madugangan pa an pwersa kan mga kapulisan sa provincia.
Segun digdi, mas marhay kun mapagbibigyan na ma-hire an mga Catanduanon na madedestino sa nasabing provincia.
Paliwanag kan opisyal na kun residente kan Catanduanes an mga magseserbi sa provincia, dae ini makaka apektar sa police force urog na kun igwang mga nagbabakasyon huli ta madali sanang makabalik sa serbisyo kun kinakaipuhan. VC_Catanduanes Governor Patrick Azanza
