LEGAZPI CITY- Ipiglatag kan Office of the Civil Defense (OCD) Bicol an nagkapirang pinagkakahandalang aspeto makalihis an labi sarong bulan nang pagtetenir kan mga apektadong residente kan nag-aalburotong bulkang Mayon sa mga evacuation centers kan Albay.
Sa intrevista kan Bombo Radyo Legazpi ki OCD Bicol Director Claudio Yucot, pinakanot suboot sa listahan an pag-abot kan pig-aapod na ‘donor fatigue’ o pagdiit kan numero kan mga nag-aabot na donasyon para sa mga residente na mamatean en kasong magdakol na an numero kan mga mareresibeng reklamo.
Afuera pa digdi, napag-araman na hanggang Pebrero 20 na sana an pagsusuplay kan tolong darakulang water utilities sa provincia patikular na an Metropolitan Waterworks and Sewerage System (MWSS), Maynilad asin Manila Water.
Katakod kaini, kinakaipuhang i-activate an mga dating pigkukuhaan nin tubig sa pagsuplay para sa domestic use.
Dakula man an pasasalamat ni Yucot sa pag-abot kan mga volunteer organizations tangarig na magpaogma sa mga ‘bored’ ng evacuees dara an mga psychosocial activities.
Mientras tanto, bastante pa man suboot an suplay kan bagas para sa mga residente urog na ipigkokonsiderar na priority an mga areas na nasa tahaw kan kalamidad o krisis.
Enot naman na inasegurar ni Presidential Adviser on Political Affairs Secretary Francis Tolentino sa suway na intrevista na handang mag-alalay an national government sa pangangaipo kan mga ini kun saen pigkakarkulong nasa P404 million an projected cost sa 100 days na pagtetenir sa evacuation centers.
