Sa kaenot-enoteng pagkakataon pigkumpirmar ni Liza Soberano sa publiko an saindang pagsusuwayan kan aktor na si Enrique Gil.
Nagsuwayan na sinda haros tolong taon na an nakaagi, segun ki Liza, alagad dai ini ipinaaram sa mga fans huli ta sinabi niya na kahagadan ini kan aktor.
Ini pinag-olayan kasabay kan “Can I come in?” podcast kaiba an Filipino-American actress na filmmaker na si Sarah Bahbah.
Pigtuga niya na an dae pagsasapubliko kan saindang break-up an pwedesir mang maiugnay sa “people pleaser” na parte kan saiyang sadiri.
Ipinaliwanag man niya na “beautiful breakup” an nangyari asin mapagal para saiya huli ta padaba niya si Quen na inapod niyang “childhood best friend.”
Afuera sa pagigin onscreen partner niya, inapod man siya ni Enrique na “lifelong best friend” asin “first love.”
Wara pa nin simbag si Enrique sa rebelasyon kan saiyang dating nobya.
Magigirumdoman na an mga bareta nagluwas na kan 2023 an hiwalayan kan duwa, alagad wara man nin kumpirmasyon gikan sa arin man na kampo.
2019 kan kinumpirmar ninda na igwa na sindang relasyon poon pa kan Oktubre 2014.
Nagbida na sinda sa kadakol na mga palabas asin pelikula arog kan Forevermore, Just The Way You Are, Alone/Together, Everyday I Love You, My Ex and Whys, asin kadakol pang iba.
