LEGAZPI CITY- Ipigsairarom sa debriefing asin psychological intervention an siyam na mga miyembro kan Milisyang Bayan na nagsurendir sa mga otoridad sa banwaan kan Mobo provincia kan Masbate.
Segun ki Masbate Police Provincial Office spokesperson Police Captain Estrella Torres sa intrevista kan Bombo Radyo Legazpi na an pagsurendir kan nasabing mga persona an resulta kan esfuersos kan mga otoridad na maipaabot sa mga ini an serbisyo kan gobierno.
Kaibanan pa sa mga ipigsurendir an caliber 45 pistol, sarong magazine asin mga bala.
Sa presente sinabi kan opisyal na pighahanda na man an Enhanced Comprehensive Local Integration Program para sa mga ini.
Aminado si Torres na halawig na proseso pa an pag-aagihan antes na maisapinal an livelihood program para sa mga ini huli ta pig-aaram pa kun igwang mga pigkakahampang na mga kaso.
Alagad sinierto kan opisyal na mausad an saindang mga dokumentos ngani na makapagbagong buhay an nasabing mga persona.
