LEGAZPI CITY-Hindi pa nakakauwi hanggang ngayon ang limang mga mangingisda sa Virac, Catanduanes.
Kun saan ideniklara na itong “missing” matapos na labing-isang oras nang hindi pa nakababalik sa kani-kanilang pamilya mula sa pangingisda.
Ayon kay Gremil Naz ang tagapagsalita ng Office of the Civil Defense Bicol at base na rin sa pamilya ng mga nawawalang mangingisda nakatakda sanang makabalik kaninang alas-sais ng umaga ang lima.
Ngunit hanggang ngayon ay wala pang nakakauwi mula sa laot.
Kinilala ang mga nawawalang mangingisda na sila Noel Zafe, Dante David, Arnel Araojo, Domingo Borilla Jr at Jason Mandasoc.
Kaugnay nga nito ay nakipagtulungan na ang ahensya sa Philippine Coast Guard at iba pang mga otoridad upang mahanap na ang mga mangingisda.
Sa ngayon nga ay nanawagan rin si Naz sa publiko na kung may makakita sa lima ay agad na ipag-alam sa mga otoridad.
