LEGAZPI CITY—Padagos an pagpapaotob kan Libon Municipal Police Station nin mga checkpoint mapadapit sa gun ban sa nasambit na banwaan.
Segun ki PIO Libon MPS Police Executive Master Sergeant Maribeth Corporal, sa intrevista kan Bombo Radyo Legazpi, na padagos an pagkundusir kan saindang mga otoridad nin mga checkpoint partikular na sa mga entrance asin exit kan saindang banwaan.
Dugang kaini na sa sarong aldaw tulong beses sinda nagkukundusir nin mga checkpoint sa manlaen-laen na lugar.
Pigtaram kan opisyal na poon kan nagpaotob nin gun ban, wara pa man sindang nairerehistrong nagbabayolar sa pag-implementar kaini.
Nagpagiromdom man an opisyal sa publiko na sa ngunyan ipigbabawal an pagdara nin mga badil o deadly weapons sa pagbiyahe lalo na kun wara nin permiso gikan sa Commission on Elections (COMELEC).
