LEGAZPI CITY-Pinahimutikan ni Batangas 1st District Representative Leandro Leviste sa Senate Blue Ribbon Committee hearing na naghampang bilang resource person, kun pano niya nakuwa an kontrobersiyal na “Cabral files.”
Liwat na ipinaliwanag kan kongresista na may basbas ni DPWH Sec. Vince Dizon an pagkuha niya kan Cabral files huli sa ini sarong pampublikong dokumento.
Kinumpirma ni Leviste na tinawan siya nin hard asin copy nasabing files.
Iginiit ni Leviste na an soft copy tinao sa saiya sa paagi kan pag-transfer sa saiyang USB hale sa planning services office computer mantang yaon pa kaito si dating DPWH USec. Catalina Cabral.
Kan haputon man siya ni Senator Bam Aquino mapadapit sa pag-authenticate kan files, sinabi ni DPWH USec. Ricardo Bernabe III na sinelyuhan na an computer ngani magtenir na intact asin dai matamper kun sain pinasubpoena ini kan Disyembre 2025, kaya pigturn over sa Ombudsman.
Solamente man na an Ombudsman suboot an pwedisir na magberipika sa files.
Sinabi pa ni Leviste na duwang grupo pa an may kaparehong soft copy kan Cabral files kaiba an opisina kan chairman kan komite na si Senator Panfilo “Ping” Lacson na itinao suboot kan abogado ni Cabral.
Ini an enot na pagatendir ni Leviste sa flood control hearing kan senado pirang semana makalihis an saiyang pahayag mapadapit sa “Cabral Files.”
An nasabing mga files an winalat kan namaaram na si dating Undersecretary Catalina Cabral, na suboot may laog na mga opisyal asin kongresista na may budget insertions sa nagkapirang proyekto sa National Expenditure Program.
