LEGAZPI CITY—Preparado na an ciudad kan Legazpi asin ipig-finalize na sana an mga aktibidad para sa papaabuton na Palarong Bicol 2025.
Segun ki SDO Legazpi Spokesperson Dr. Santi Araña, sa intrevista kan Bombo Radyo Legazpi, na nagkundusir na nin miting an nagkapirang opisyales sa ciudad asin iba pang opisina ngani na magin maayos asin magayon an resulta kan saindang hosting sa nasambit na palaro na mangyayari sa huring semana kan Marso.
Nagpapasalamat man ini sa mga nagtatarabang para magin matrayumpo an saindang pagho-host sa nasambit na okasyon.
Mientrastanto, nangapudan man an opisyal sa suporta kan publiko ngani na magin matrayumpo an gigibohon na Palarong Bicol 2025 sa nasambitang ciudad.
