Binuhat ninda LeBron James asin Luka Doncic an Los Angeles Lakers sa sarong 111-102 na gana laban sa Minnesota Timberwolves.
Nagtala si Lebron nin 33 points asin 17 rebounds, mantang si Luka an nag-ambag nin 21 points asin 13 rebounds.
Maski napagalan si Doncic sa three-point line, nakatabang pa man siya sa pagmantenir kan kalamangan kan Lakers.
Si Austin Reaves an nagdugang man nin 23 points para sa koponan.
Sa lado man kan Timberwolves, si Terrence Shannon Jr. an nakapagrehistro kan saiyang career-high na 25 points, mantang si Anthony Edwards an nakaguno nin 18 puntos bago ma-eject sa third quarter nin huli sa duwang technical fouls.
An nasabing pagkagana an nagmarka kan 4 game winning streak kan Lakers, na may kabilugang record na 14-3 poon pa kan Enero 21.
