Legazpi City – Nagbabalik na sa normal level an supply kan Basic Comodities sa probinsya kan Catanduanes makalihis an pangrarapado kan Super Typhoon Pepito kan mga nakaaging Semana.
Segun ki Department of Trade and Industry Bicol Consumers Protection head Ruben Sombon sa intrevista kan Bombo Radyo Legazpi na nagbabalik na ini sa normal na lebel nin huli ta nagbalik na man sa normal an mga byahe pasiring sa probinsya na may mga kargang pangenot na babarakalon.
Instant noodles an saindang nahiling na nagkulang an supply sa probinsya nin huli ta ini an nangenot sa mga in-demand na pagkaon sa probinsya kasarabay kan sardinas pagkatapos kang pananalasa ni bagyong pepito sa probinsya.
Presenteng napapaotob man sa probinsya an pigdeklarang price freeze kun kaya wara man namataan na mga establisyemento an nagpapabakal nin mga produkto sa halangkaw na presyo.
Pigtaram man ni Sombon na sakop kan nasabing price freeze an basic neccesities siring kan instant noodles, kape, delata asin iba pang pangenot na mga babarakalon.
Mientrastanto kun babasehan suboot an saindang datos, may pigpaluwas an saindang departamento nin price guide partikular na sa mga noche buena products.
May mga produkto man na warang pagbabago sa presyo asin irigwa man na nagharalangkaw nin huli sa piggagamit na mga ingredients.
Pagirumdom kaini sa mga konsyumers na hilingon an expiration date kan mga babarakalon na mga pagkaon asin pigsyerto kaini na dae na mababago an mga nakabugtak sa mga price guide hasta magtapos ang taon.
