LEGAZPI CITY – Naaksidente an sarong 40 anyos na lalaking nakainom sa tinampong sakop kan Brgy. Pinamarbuhan, Mobo Masbate.
Segun ki Jeric Mitra, an Team leader kan Team Alpha kan Mobo Municipal Disaster Risk Reduction and Management Office sa intrevista kan Bombo Radyo Legazpi na natumba an motor na pigmamaneho kaini sa maduging parte kan tinampo kan naunambitang barangay.
Tulos na nagresponde an saindang team nganing magtao nin asistensya medikal dae na dinara sa hospital an biktima makalihis na sundoon kan saiyang kapamilya.
Sa ibong kan aksidente, dae man nagkaigwa nin seryosong tama an biktima alagad nagsapo sana nin menor na lugad asin gasgas sa hawak.
Pagirumdom ni Mitra sa mga motorista na magdoble ingat sa tinampo, magin alerto, asin dae na magbyahe o magmotor kun nasa impluwensya nin arak.
