LEGAZPI CITY – Nagpaparahay pa hasta sa ngonyan sa ospital an sarong lalaki makalihis na pagtitigbason kan sadiri man sanang tugang sa Brgy. San Pablo, Virac, Catanduanes.
Binisto an biktima na si alyas ”Goryo”, 37-anyos na sarong karpintero mientras na an suspek an si alyas ”Tandoy” ,50-anyos na anas residente kan nasabing lugar
Sa intrevista kan Bombo Radyo Legazpi ki PMaj. Antonio Perez, hepe kan Virac PNP, napag-araman na nagkaigwa nin mainit na diskusyon an magtugang mientras na nasa sarong burol sa Barangay San Juan.
Huli digdi nagkua nin tabak an suspek asin bigla na sanang pinagtitigbas an tugang na nagsapar nin tama sa manlain-lain na parte kan lawas.
Nagluluwas na haloy ng may iwal an magtugang na naungkat mientras na nag-iinuman.
Sa presente nagtetenir na sa kustodiya kan Virac Municipal Police Station an suspek asin ipighahanda na an kasong isasangat kontra digdi.
