Sarong 22 anyos na lalaki suboot an naghugot huli sa utang na dara kan bisyo sa online gambling, segun sa report kan La Trinidad Municipal Police Station.
Segun sa pinsan, bago nadiskubre an bangkay, nahiling niya an biktima na nagkapirang beses na naglalakaw pabalik-balik sa kwarto.
An biktima na dae pinangaranan huli sa privacy reasons sarong estudyante asin tubong Kapangan alagad nakaistar sa La Trinidad, Benguet.
Sa imbestigasyon, may nakuang suicide note sa saiyang kwarto kun sain inako kaini na adik siya sa sarong online gambling platform asin may utang.
Nakasaad man sa surat na may utang siyang kwarta sa mga amigo, kamidbid, asin nagkapirang online lending apps.
Huli kaini, pigpatanidan kan mga pulis an publiko manungod sa silensyo alagad delikadong trap kan online gambling, orog na sa mga jovenes.
