LEGAZPI CITY – Nasa kamot na kan mga otoridad an suspek na nahahampang sa apat na kaso nin panlulugos sa syudad kan Tabaco sa probinsya kan Albay.
Binisto an suspek na si Efren Tevez, 43 anyos.// Sa operasyon kan mga otoridad sa pamamayo ni PO2 Cormidal, naarestar an suspek sa may Pier Site.
Inarestar si Tevez sa bisa kan mandamiento de aresto na ipinaluwas ni Judge Jaime Contreras kan Branch 43 kan Regional Trial Court (RTC) sa Virac, Catanduanes.
An nasabing mga kaso an wara man nin kakabit na pyansa para sa saiyang temporamenteng libertad.
Nasa kustodiya na kan Tabaco City Police Station an suspek mantang pighahalat an pagsurender saiya sa nasambitan na RTC.
